- 770 -

1453. Mai 10. Wien.

König Ladislaus verwendet sich bei dem Bischof Peter zu Breslau für den Cleriker Adam Bitschen.

Ladislaus dei gracia Hungarie, Bohemie, Dalmacie, Croacie etc. rex, dux Austrie, marchio quoque Morauie etc. reuerendo in Christo patri deuoto nostro dilecto Petro episcopo Wratisl. graciam regiam et omne bonum. Illa laudanda probitatis et virtutum merita, quibus deuotus noster dilectus Adam Bitschen clericus tue diocesis nostro in conspectu plurimorum fide dignorum existit commendatus testimonio, nostram allicuerint celsitudinem, vt ipsum favore intendamus prosequi, gratioso idcirco deuocioni tue committimus volentes, quatenus ad canonicatum et prebendam uel dignitatem ecclesiarum collegiatarum sancte crucis in Wratislauia aut sancti sepulcri in Legnicz prefate tue diocesis, quorum juspatronatus seu presentandi ad nos ut regem Bohemie pertinere dinoscitur, vacantibus ad presens uel proxime in altera earum vacaturis et quos dictus Adam vel procurator suus legittimus duxerit acceptandos ad hanc eciam nostram presentacionem canonice instituere ac ut moris est adhibitis solempnialiter debitis et consuetis inuestire stallum in choro et locum in capitulo cum plenitudine juris canonici assignaturum eidem de vniuersis et singulis fructibus suis redditibus et obuencionibus eorundem ab omnibus facias integre reddere sicut nobis volueris singulariter complacere. Datum Vienne decima die mensis Maij. Anno domini M°CCCC°LIII. Coronacionis vero nostri regni Hungarie tredecimo.

Liegn. Arch. Act. No. 185.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866